माजी जिल्हा परिषद अध्यक्षा शालिनीताई विखे पाटील व डॉ. सुस्मिता विखे पाटील यांचे शिर्डी विमानतळावर जंगी स्वागत!

माजी जिल्हा परिषद अध्यक्षा शालिनीताई विखे पाटील व डॉ. सुस्मिता विखे पाटील यांचे शिर्डी विमानतळावर जंगी स्वागत!

डॉ. सुस्मिता विखे पाटील यांना राज्यस्तरीय ‘सह्याद्री रत्न’ पुरस्कार मिळाल्याबद्दल मान्यवरांच्या हस्ते सत्कार; शैक्षणिक व सामाजिक कार्याचा गौरव

शिर्डी प्रतिनिधी

 : (तुषार महाजन)

ग्रामीण भागातील शिक्षणाचा प्रसार, सामाजिक विकास आणि शैक्षणिक क्षेत्रातील उल्लेखनीय योगदानासाठी कार्यरत असलेल्या लोकनेते पद्मभूषण डॉ. बाळासाहेब विखे पाटील प्रवरा ग्रामीण शिक्षण संस्थेच्या मुख्य कार्यकारी अधिकारी डॉ. सुस्मिता विखे पाटील व अहिल्यानगर जिल्हा परिषदेच्या माजी अध्यक्षा शालिनीताई विखे पाटील यांचे शिर्डी विमानतळावर मान्यवरांच्या उपस्थितीत उत्साहात स्वागत करण्यात आले.

ग्रामीण भागातील विद्यार्थ्यांना दर्जेदार शिक्षणाच्या संधी उपलब्ध करून देणे, शैक्षणिक विकासाला चालना देणे आणि समाजातील विविध घटकांच्या प्रगतीसाठी कार्य करणे या क्षेत्रांतील योगदानाच्या पार्श्वभूमीवर डॉ. सुस्मिता विखे पाटील यांना दैनिक ‘राष्ट्र सह्याद्री’ माध्यम समूहाच्या वतीने राज्यस्तरीय ‘सह्याद्री रत्न पुरस्कार’ प्रदान करण्यात आला. या सन्मानाबद्दल शिर्डी विमानतळावर त्यांचा मान्यवरांच्या हस्ते विशेष सत्कार करून अभिनंदन करण्यात आले.

लोकनेते पद्मभूषण डॉ. बाळासाहेब विखे पाटील यांनी ग्रामीण शिक्षणाच्या विकासासाठी दिलेला वारसा पुढे नेत प्रवरा ग्रामीण शिक्षण संस्था ग्रामीण भागातील विद्यार्थ्यांच्या शैक्षणिक प्रगतीसाठी कार्यरत आहे. या संस्थेच्या माध्यमातून शिक्षणाबरोबरच विद्यार्थ्यांच्या सर्वांगीण विकासाला प्राधान्य दिले जात आहे. डॉ. सुस्मिता विखे पाटील या संस्थेच्या प्रशासकीय व शैक्षणिक कार्यात महत्त्वाची जबाबदारी सांभाळत आहेत.

माजी जिल्हा परिषद अध्यक्षा शालिनीताई विखे पाटील यांनीही सामाजिक व सार्वजनिक जीवनात आपले योगदान दिले आहे. त्यांच्या उपस्थितीमुळे स्वागत सोहळ्याला विशेष महत्त्व प्राप्त झाले.

या प्रसंगी साई सखा समूहाचे मॅनेजिंग डायरेक्टर संतोष गोंदकर पाटील, सामाजिक कार्यकर्ते नानासाहेब शिंदे पाटील, पत्रकार संजय महाजन, साई श्रद्धा प्रतिष्ठानचे मार्गदर्शक आसारामजी वारे तसेच दैनिक राष्ट्र सह्याद्रीचे उपसंपादक अशोकराव दुशिंग आदी मान्यवर उपस्थित होते.

उपस्थित मान्यवरांनी डॉ. सुस्मिता विखे पाटील यांचे राज्यस्तरीय पुरस्काराबद्दल अभिनंदन केले. तसेच त्यांच्या पुढील शैक्षणिक व सामाजिक वाटचालीसाठी शुभेच्छा व्यक्त केल्या. ग्रामीण शिक्षणाच्या प्रगतीसाठी होत असलेल्या प्रयत्नांना अशा सन्मानामुळे अधिक प्रोत्साहन मिळत असल्याची भावना यावेळी व्यक्त करण्यात आली.