आज आम्ही पुणे येथून येवला येथे लग्नासाठी शिर्डी मार्गे जात असताना कवठे कमलेश्वर जवळ एका वळणावर आमची गाडी घसरून नाल्यात कोसळली. त्या वेळी आम्ही पती-पत्नी दोघेही गाडीत अडकून पडलो होतो आणि परिस्थिती अत्यंत धोकादायक होती.
अशा वेळी डॉ. योगेश गेठे यांनी देवदूतासारखे येऊन स्वतःची गाडी थांबवली आणि तात्काळ आमच्या मदतीला धावून आले. त्यांनी आम्हाला गाडीतून सुरक्षित बाहेर काढले, आमची विचारपूस केली तसेच आमचे प्राथमिक उपचार (First Aid) देखील केले.
याशिवाय त्यांनी क्रेन सर्व्हिसची व्यवस्था केली, इन्शुरन्स क्लेम प्रक्रियेसाठी मार्गदर्शन केले आणि संबंधित लोकांचे संपर्क (contacts) देखील आमच्याशी शेअर केले. संपूर्ण प्रसंगात त्यांनी अतिशय शांतपणे, निस्वार्थ भावनेने आणि माणुसकी जपत आम्हाला सर्वतोपरी मदत केली.
यानंतर त्यांनी आम्हाला त्यांच्या गाडीत बसवून शिर्डी बसस्टँडपर्यंत सुरक्षित सोडले. इतकेच नव्हे तर आमच्यासाठी चहा-नाश्त्याचीही व्यवस्था करून आमची मनापासून काळजी घेतली.
नंतर आम्हाला समजले की डॉ. योगेश गेठे हे शिर्डी संस्थानमध्ये ENT स्पेशालिस्ट म्हणून कार्यरत आहेत. त्यांनी केलेली ही निस्वार्थ मदत, दाखवलेली माणुसकी आणि सेवाभाव आम्हाला आयुष्यभर लक्षात राहील.
आजच्या काळात अशी निस्वार्थ सेवा आणि माणुसकी दुर्मिळ झाली आहे. शिर्डी संस्थानमध्ये अशा सेवाभावी आणि कर्तव्यदक्ष व्यक्ती कार्यरत आहेत, याचा आम्हाला मनापासून अभिमान वाटतो. आपल्या संस्थान मध्ये अशा व्यक्ती कार्यरत आहेत ही खरोखरच संस्थानची प्रतिष्ठा वाढवणारी बाब आहे
कोणत्याही टिप्पण्या नाहीत:
टिप्पणी पोस्ट करा