साईयोग फाउंडेशनच्या वृक्षारोपण सप्ताहाची
सुरुवात....
वृक्षारोपण करत केला डॉक्टर्स डे साजरा...
सालाबादप्रमाणे राहाता येथील पर्यावरण क्षेत्रात कार्य करणाऱ्या साईयोग फाउंडेशन द्वारे वृक्षारोपण सप्ताहाची सुरुवात आज बुधवारी उत्साहात सुरुवात झाली. खटकळी परिसर दहेगाव येथे राहाता परिसरातील वैद्यकीय क्षेत्रातील ऋषितुल्य डॉ पी जी गुंजाळ यांच्या हस्ते १०-१२ फुटी झाडांचे रोपण करण्यात आले. डॉक्टर्स डे च्या निमित्त डॉ पी जी गुंजाळ व साईयोग फाऊंडेशनचे संस्थापक अध्यक्ष डॉ बापूसाहेब पानगव्हाणे यांना शाल व गुलाब पुष्प देऊन सन्मानित करण्यात आले.तसेच साईयोग फाऊंडेशनचे जेष्ठ मार्गदर्शक विलासराव वाळेकर यांचाही वृक्षारोपण करून वाढदिवस साजरा करण्यात आला.
जेष्ठ सदस्य बाळासाहेब गाडेकर यांनी सर्वांचे स्वागत करून प्रास्ताविक केले.राहाता परिसरात ऋषितुल्य व्यक्तिमत्व डॉ पी जी गुंजाळ यांच्या रुग्णसेवेतील अतुलनीय कार्याचा गौरव करत वैद्यकीय क्षेत्रातील सर्व मान्यवर डॉक्टरांना डॉक्टर्स डे च्या शुभेच्छा दिल्या.योगशिक्षक सुरेश भिंगारदिवे म्हणाले डॉक्टर आपले आरोग्य निरोगी ठेवण्याचे काम करत आहेत तर झाडे ही पृथ्वीचे फुफ्फुसे आहेत.निवृत्त कृषी अधिकारी अनिल सातव यांनी वृक्षारोपण हे सप्ताह पुरते न ठेवता साईयोग फाउंडेशन चा आदर्श घेत वर्षभर सुरू ठेवावा.तसेच आपल्या घरासमोर न लावणाऱ्या झाडांबद्दलचा गैरसमज दूर केला.शेवटी ॲड दत्तात्रय धनवटे यांनी सर्वांचे आभार मानले.
याप्रसंगी दहेगाव च्या लोकनियुक्त सरपंच सौ पूनमताई संदिप डांगे, निलम चेणुके, उज्वला गाडेकर, डॉ पी जी गुंजाळ,योगगुरू सुरेश भिंगारदिवे,डॉ बापूसाहेब पानगव्हाणे,ॲड गोरखनाथ दंडवते, ॲड दत्तात्रय धनवटे,भाऊसाहेब बनकर,विलास वाळेकर,मनोज पिपाडा,मोहन तांबे,बाळासाहेब गाडेकर,संजय बाबर,संदीप डांगे,अनिल सातव,न्यानेश्वर आरणे, रंगनाथ सदाफळ, सिताराम बावके, सुभाष दंडवते,पांडुरंग गायकवाड,कैलास चेणुके,बाळासाहेब तारगे,अशोक वाणी आदी मान्यवर उपस्थित होते.
कोणत्याही टिप्पण्या नाहीत:
टिप्पणी पोस्ट करा