शनि जयंती व शनि आमवश्या निमित्त भर उन्हात ८लाख भाविकांनी घेतले शनि दर्शन.

शनि जयंती व शनि आमवश्या निमित्त भर उन्हात ८लाख भाविकांनी घेतले शनि दर्शन.

नेवासा ( प्रतिनिधी)-

दि. १६ शनि जयंती व शनि आमावश्या एकत्र येण्याचा योग २०१३ नंतर सुमारे १३ वर्षा नंतर जुळून आल्याने शनिशिंगणापूर येथे सुमारे ८लाख भाविकांनी शनि दर्शन घेतले. शनैश्वर देवस्थान ट्रस्ट बरखास्त झाल्याने प्रथम ६३वर्षानंतर शासन पातळीवर शनि जयंतीचे नियोजन केले गेले.

शनिवारी सकाळी ५वाजून ११मिनिटांनी शनि आमावश्या सुरुवात झाली असल्याने शुक्रवारी मध्यरात्री नंतरच भाविकांनी शनिशिंगणापूर येथे गर्दी केली होती. पहाटे ४.३० वाजता संभाजीनगरचे माजी खा.चंद्रकांत खैरे, श्रीनाथ भिमाले, पंकज पटेल यांच्या हस्ते प्रांत:आरती झाली.दुपारची आरती राकेश कुमार, सौरभ बोरा,सौरभ गाडगीळ व कावडी धारकांच्या हस्ते आरती झाली. सायंकाळीची आरती पद्मश्री झिम्बाबेचे उद्योगपती जयेश शहा यांच्या हस्ते झाली.तसेच दिवसभरात नांदेडचे आ.आनंदराव पाटील भोंढारकर, संगमनेरचे आ.अमोल खताळ,आ.विठ्ठलराव लंघे, खेडचे आ.बाबाजी काळे,माजी मंत्री शंकरराव गडाख, लोकनेते सुनिल गडाख आदीनीं शनिजयंती निमित्त शनि दर्शन घेतले.

शनि जयंती निमित्त शनिशिंगणापूर येथील युवकांनी काशी व प्रवरासंगम येथून आणलेल्या कावडीच्या पाणी शनि चौथऱ्यावर जाऊन अर्पण केले. तसेच झिम्बाबे येथील उद्योगपती जयेश शहा व मुंबई येथील व्यापारी सोनी साहेब यांनी शनिजयंती व आमवश्या निमित्त शनिशिंगणापूर येथे शनि मंदिरात विश्वशांती यज्ञाचे आयोजन केले होते.शनि जयंती निमित्त अहिल्यानगर जिल्हा पोलीस अधीक्षक मुम्मका सुदर्शन, अतिरिक्त पोलिस अधीक्षक सोमनाथ वाघचौरे यांनी दिवसभर शनि मंदिरात सुरक्षा व दर्शन व्यवस्था थांबून बघितली. शनि मंदिर परिसरात बाटल्या कचरा स्वतः उचलत त्यांनी स्वच्छता केली.अहिल्यानगर पोलीस दल, सोनई व शनिशिंगणापूर पोलीसांनीं दिवसभर चोख पोलीस बंदोबस्त ठेवला होता.शनिशिंगणापूर देवस्थानच्या वतीने कार्यकारी अधिकारी अतुल चोरमारे यांनी शनि जयंतीच्या यात्रेचे चोख नियोजन केले होते. शनि मंदिरात मंदिरात भाविकांना उन्हाचा त्रास होऊ नये म्हणून गारव्यासाठी तुषार कारंजे सोडण्यात आले होते. शनिशिंगणापूर येथे हरियाणा, शिरसा,दिल्ली येथील शनिभक्तांनी शुक्रवारी रात्री व शनिवारी दिवसभर अन्नदान सेवा केल्याने देवस्थानचे भोजनालय बंद असल्याची उणीव भासली नाही.भाविकांना दिवसभर पिण्याचे पाणी, बॉटल, चहा, सरबत, नाश्ता व जेवनाची सोय केली होती.

देवस्थान प्रशासनाने प्रथमच खाजगी जमीनी मालकाशी समन्व्यय साधून मोफत पिण्याच्या पाण्याची सोय व विश्रांती कक्ष, वाहन तळ उभारले होते.सोनई प्राथमिक आरोग्य केंद्राच्या वतीने दिवसभर आरोग्य पथक भाविकांच्या आरोग्याची काळजी घेण्यासाठी कार्यरत होते.

जनसंपर्क कार्यालयामध्ये दिवसभर येणाऱ्या भाविकांचे स्वागत जनसंपर्क अधिकारी अनिल दरंदले व पोलीस पाटील सयाराम बानकर यांनी केले.

चौकट -भुयारी दर्शन मार्गात पूणे येथील शनिभक्त अतुल धोत्रे यांना उन्हामुळे चक्कर आल्याने तातडीने प्रशासनाने त्या रुग्णाला उपचार केंद्रात दाखल केले. यानंतर देवस्थानचे माजी कोषाध्यक्ष दिपक दरंदले यांना लटकूच्या मोटार सायकलने धडक दिल्याने पुढील उपचारासाठी दवाखान्यात हलवण्यात आले