प्रथम भीमशब्द साहित्य संमेलनाचे स्वागताध्यक्ष पदी साही. राजेंद्र फंड यांची निवड :

प्रथम भीमशब्द साहित्य संमेलनाचे  स्वागताध्यक्ष पदी साही. राजेंद्र फंड यांची निवड :

नाशिक 

                     तेजस बहूउद्देशीय सामाजिक संस्था नाशिक यांचे वतीने  नाशिक येथील रमाई सभागृह डॉ. आंबेडकरनगर येथे एकदिवसीय प्रथम भीमशब्द साहित्य संमेलनाचे आयोजन दि. 31 में रोजी करण्यात आले असून या संमेलनाच्या स्वागताध्यक्षपदी ग्रामसेवा संदेश दिवाळी अंकाचे सहसंपादक साही. राजेंद्र फंड यांची निवड केल्याची घोषणा तेजस बहुउद्देशीय सामाजिक संस्थेच्या अध्यक्षा सौ. मेघा डोळस यांनी जाहीर केले आहे.

              तेजस या संस्थेबद्दल सांगायचे झाले तर   जिथे गरज, तिथे तेजस!जिथे वेदना, तिथे आधार!जिथे प्रतिभा, तिथे संधी! तसेच गरजू मुलांना अन्न, शिक्षण, आधार,नवोदित कलाकारांना रंगमंच,कवींना व्यासपीठआणि समाजाला दिशा देणे.हे काम साधं नाही, हे खऱ्या  अर्थाने “भीमकार्य” आहे! 

              आजच्या या संमेलनात नामवंत साहित्यिक प्रमुख मान्यवर म्हणून उपस्थित आहेत. त्यामध्ये संमेलनाध्यक्ष आचार्य श्री. शंकर अंदानी, दंगलकार कवी नितीन चंदनशिवे, उद्घाटक म्हणून समाज कल्याण विभागाच्या प्रादेशिक उपायुक्त सौ. जयश्री सोनकवडे, आ. महेश हिरे, नगरसेवक राहुल दिवे, नगरसेविका सौ. सविता काळे व इतरही मान्यवर साहित्यिक उपस्थित राहणार आहेत. 

                 साही. राजेंद्र फंड  हे शब्दगंध साहित्यिक परिषदेचे प्रसिद्धी प्रमुख असून गेल्या 15 वर्षापासून  ते " ग्रामसेवा संदेश " हा दिवाळी अंक प्रकाशित करतात. महाराष्ट्रभर त्यांचा दिवाळी अंकामुळे खूप मोठा  साहित्यिक परिवार आहे.  यांची या वर्षात महाराष्ट्रातील पुणे , कोल्हापूर, सातारा, भंडारा, वडाळा, निमगाव वाघा , श्रीरामपूर, दाभे मोहन, शिर्डी, अहिल्यानगर अशा वेगवेगळ्या जिल्ह्यात व वेगवेगळ्या  ठिकाणी 5 वेळा संमेलनाध्यक्ष, दोन वेळा स्वागताध्यक्ष, 4 वेळा कविसंमेलनाध्यक्ष, एक वेळा विशेष एक वेळा विशेष अतिथी, एक वेळा पुस्तक प्रकाशन समारोह अध्यक्ष, 14 व्या अखिल भारतीय मराठी शेतकरी साहित्य संमेलन महाबळेश्वर येथे आयोजक सदस्य होते. नुकतेच त्यांनी शिर्डी येथे आयोजित केलेले राष्ट्रसंत गाडगेबाबा मराठी साहित्य संमेलन खूप गाजले आहे.

               त्यांच्या या निवडीबद्दल शब्दगंध साहित्यिक परिषदेचे अध्यक्ष श्री राजेंद्र उदागे, संस्थापक सचिव श्री. सुनील गोसावी व शब्दगंध परिवार, ग्रामसेवा संदेश दिवाळी अंकाचे संपादक डॉ. एकनाथराव ढाकणे, लायन्स क्लब ऑफ राहाताचे संस्थापक ला. विनोद गाडेकर, प्रेसिडेंट ला. सागर रोकडे, व्हाइस प्रेसिडेंट ला. डॉ. स्वाधीन गाडेकर, सेक्रेटरी ला. अमोल उगले, ट्रेझरर ला. सुनील धाडगे, डेबूजी प्रतिष्ठानचे अध्यक्ष श्री. सुनील निकम, श्री. माधवराव देसाई, श्री. सुधाकर वाघ, अनिल देसाई, विलासराव रोकडे, रेशीमगाठी मंडळाचे अध्यक्ष श्री. अनिल हुपरीकर, श्री. योगेश रोकडे, श्री महेश यादव, श्री. साईनाथ हजारे, श्री. कृष्णा शिंदे, सौ. सुषमा अमृतकर , सौ.सुनीता राक्षे यांनी अभिनंदन केले आहे.