ह.भ.प. हर्षद महाराज भागवत लोणीकर यांचा गौरव - सरपंच जनार्दन घोगरे यांच्या हस्ते लोणी खुर्द ग्रामपंचायतीत सत्कार*
लोणी खुर्द
कोण होणार महाराष्ट्राचा लाडका कीर्तनकार?” या सोनी मराठी वाहिनीवरील राज्यव्यापी कीर्तन स्पर्धेत ह.भ.प. हर्षद महाराज भागवत लोणीकर यांनी संपूर्ण महाराष्ट्रातून उपविजेतेपद पटकावले. त्यांच्या या उल्लेखनीय यशामुळे गावाचे तसेच जिल्ह्याचे नाव उज्वल झाले आहे.
या गौरवाच्या निमित्ताने लोणी खुर्द ग्रामपंचायत कार्यालयात गावचे सरपंच मा.जनार्दन घोगरे यांच्या हस्ते शाल, पुष्पगुच्छ देऊन हर्षद महाराज यांचा सन्मानपूर्वक सत्कार करण्यात आला.
सत्कारप्रसंगी ग्रामपंचायत सदस्य, यात्रा कमिटी अध्यक्ष, विविध मान्यवर, युवक व ग्रामस्थ उपस्थित होते.
हर्षद महाराजांनी कीर्तन परंपरेचा सन्मान राखत आपल्या भक्तिमय सेवा कार्याच्या माध्यमातून संपूर्ण महाराष्ट्राचे लक्ष वेधले आहे. त्यांच्या यशामुळे गावात आनंदाचे व अभिमानाचे वातावरण निर्माण झाले आहे.
या यशाबद्दल ह.भ.प. हर्षद महाराज यांचे मनःपूर्वक अभिनंदन करण्यात आले असून, त्यांच्या पुढील कीर्तन सेवेच्या प्रवासासाठी शुभेच्छा देण्यात आल्या.
कोणत्याही टिप्पण्या नाहीत:
टिप्पणी पोस्ट करा