श्री साई संस्थान एम्प्लॉइज सोसायटीच्या नूतन प्र. सचिव पदी विलास गोरखनाथ वाणी यांची एकमताने निवड
श्री साई संस्थान एम्प्लॉइज सोसायटीच्या नूतन प्र. सचिव पदी विलास गोरखनाथ वाणी यांची एकमताने निवड तर सह सचिव पदी बाबासाहेब अनर्थे तर सहाय्यक सह सचिव पदी संभाजी कोतेंची निवड झाली.
संस्थेच्या कर्मचाऱ्यांना चेअरमन विठ्ठल पवार, व्हा चेअरमन पोपटराव कोते व संचालक मंडळाची “अनपेक्षित पगारवाढ” करत अनोखी भेट दिली.
शिर्डी व परिसरासह जिल्ह्यात नावाजलेली सहकारी संस्था म्हणून ओळख असलेली श्री साईबाबा संस्थान कामगारांची कामधेनु असलेली श्री साई संस्थान एम्प्लॉईज क्रेडिट को ऑप सोसायटी लि, शिर्डी ची व्यवस्थापक कमिटीची आज दिनांक - ३१/०५/२०२५ रोजी मासिक सभा आयोजीत केली गेली. त्या सभेत अनेक विषयांवर खेळीमेळीच्या वातावरणात चर्चा झाली. त्यात संस्थेचे मावळते सचिव श्री. नबाजी डांगे पा. यांनी आपला पदभार संस्थेचे विदयमान सहसचिव श्री. विलास गोरखनाथ वाणी पा. यांचेकडेस सुपूर्त केला.
तसेच या सभेत संस्थेच्या ४७ स्केलधारक कर्मचा-यांना प्रत्येकी एक इंक्रिमेंट व रु-७००/- असलेली अंतरीम वाढ मुळ वेतनात समाविष्ट करण्यात आली. त्याचप्रमाणे किमान वेतन धारक ६६ कर्मचा-यांना स्केल लागु करण्यात आले. तसेच फिक्स वेतनधारक कर्मचा-यांना प्रत्येकी रुपये-२०००/-वेतनवाढ व अनुकंपा तत्वावर सेवेत असलेल्या एका महिला कर्मचा-याला स्केल लागु करण्यात आले. तसेच चेकर, र, सुपरवायझर, मालपुरवठा, अशा ११ कर्मचा-यांना प्रत्येकी एक अतिरक्त इंक्रिमेंट लागु करण्यात आल्याची माहिती संस्थेच्या वतीने देण्यात आली.
कोणत्याही टिप्पण्या नाहीत:
टिप्पणी पोस्ट करा