गणेशनगर शाळेतील युवा वैज्ञानिक सचिन वाघ यांना फेलोशीप
रयत शिक्षण संस्थेच्या श्री गणेश विद्यालय, गणेशनगर शाळेतील सन 2004 साली एस एस सी परीक्षा उत्तीर्ण झालेल्या सचिन वाघ यांना यंदा महाराष्ट्र अकॅडमी ऑफ सायन्स तर्फे फेलो म्हणून सन्मानित करण्यात आले संशोधनात मोलाची कामगिरी करणाऱ्या आणि महाराष्ट्रा सोबत नाते असलेल्या देश विदेशातील प्रतिभावान वैज्ञानिकांची या सन्मानासाठी निवड केली जाते. यामध्ये सचिन भाऊसाहेब वाघ यांचे 25 पेक्षा अधिक शोधनिबंध प्रसिद्ध झालेले आहेत. या कार्याचा गौरव म्हणून तज्ञांची समिती वैज्ञानिकांचे योगदान लक्षात घेता अमेरिकेमध्ये पुढील शिक्षणासाठी फेलोशिप देत असते यामध्ये युवा वैज्ञानिक सचिन परिगाबाई भाऊसाहेब वाघ यांना अमेरिकेमध्ये कॅन्सरवरील औषधाचे संशोधन करण्यासाठी ही फिलोशीप देण्यात आली.सध्या ते अमेरिकेतील टेक्सास विद्यापीठातील संशोधन केंद्रात रिसर्च म्हणून कार्यरत आहेत.
वैज्ञानिक सचिन वाघ यांनी अतिशय गरिबीतून आपले रयत शिक्षण संस्थेच्या श्री गणेश विद्यालय गणेशनगर शाळेतून शिक्षण पूर्ण केले. त्यांनी आपल्या आई-वडिलांसोबत मोलमजुरी करून जिद्दीने शिक्षण पूर्ण केले.ग्रामीण भागातील मुलेही प्रतिभासंपन्न असतात हे दाखवून दिले.आपल्याला भविष्यामध्ये काहीतरी करून दाखवायचे या हेतूने आपले अभ्यासरूपी कष्ट चालू ठेवले आणि एवढ्या मोठ्या देशात अहिल्यानगर जिल्ह्यातील गणेशनगर व एकरुखे या गावचे नाव उंचावले.सातासमुद्रा पलीकडे रयत शिक्षण संस्थेच्या गुणवत्तापूर्ण शिक्षणाचा ठसा उमटवला.या यशाच्या पाठीमागे वडील भाऊसाहेब वाघ व परीगाबाई वाघ व भावांचे परिश्रम, शिक्षकांचे मार्गदर्शन कामी आले.
कोणत्याही टिप्पण्या नाहीत:
टिप्पणी पोस्ट करा