साईयोग फाउंडेशन द्वारे नारायण गाडेकर सन्मानित

 साईयोग फाउंडेशन द्वारे नारायण गाडेकर सन्मानित 

साईयोग फाउंडेशन राहाता चे जेष्ठ सदस्य व शारदा इंग्लिश स्कूल कोपरगाव चे जेष्ठ विज्ञान शिक्षक नारायण गाडेकर यांना मागील आठवड्यात जिल्हा विज्ञान अध्यापक संघाच्या वतीने कृतिशील विज्ञान अध्यापक पुरस्कार पटेल मंगल कार्यालय अहिल्यानगर येथे मान्यवरांच्या हस्ते प्रदान करण्यात आला.त्यानिमित्त आज साईयोग फाउंडेशनच्या वतीने जेष्ठ सदस्या सौ.सुश्मिता परमेश चव्हाण यांच्या हस्ते गाडेकर यांचा श्रीसाई शाल व पुष्पगुच्छ देवून हृदय सत्कार करण्यात आला.
साईयोग फाऊंडेशनचे जेष्ठ मार्गदर्शक व पायरंस विज्ञान केंद्र बाभळेश्वर चे जेष्ठ वैज्ञानिक भरत दवंगे यांनी मनोगत व्यक्त करतांना नारायण गाडेकर यांच्या कार्याचा गौरव करत ते साईयोग फाऊंडेशनचे सदस्य असल्याचा अभिमान असल्याचे नमूद केले.ते म्हणाले नारायण गाडेकर गेली १८ वर्षांपासून शारदा इंग्लिश स्कूल मध्ये विज्ञान शिक्षक म्हणून कार्यरत असून शैक्षणिक क्षेत्राबरोबरच अध्यात्मिक क्षेत्राचाही त्यांचा गाढा अभ्यास आहे.श्री स्वामी समर्थ केंद्र राहता अंतर्गत विविध उपक्रमांमध्ये ते अग्रेसर असतात. संस्कृत विषयाचे देखील ते गाढे अभ्यासक आहेत.त्यांच्या मार्गदर्शनाखाली तयार झालेले अनेक विद्यार्थी विविध सरकारी निमसरकारी कार्यालयात उच्च पदावर कार्यरत आहेत.त्यांचे अभिनंदन करत पुढील वाटचालीस शुभेच्छा दिल्या.
सत्काराला उत्तर देताना नारायण गाडेकर म्हणाले साईयोग फाउंडेशन द्वारे राबवित येणाऱ्या विविध सामाजिक उपक्रमांत सहभागी झाल्यामुळे निर्माण झालेल्या निस्वार्थ व समर्पित भावनेचे प्रतीक हा पुरस्कार आहे.सत्कार केल्याबद्दल सर्वांचे आभार मानले.सामाजिक कार्यकर्ते दशरथ तुपे यांनी प्रास्ताविक करून शेवटी सर्वांचे आभार मानले.यावेळी साई योग फाऊंडेशनचे जेष्ठ सदस्य व लायन्स क्लब राहाता चे संस्थापक अध्यक्ष दिपक दंडवते यांचा वाढदिवसानिमित्त मान्यवरांच्या हस्ते सत्कार करण्यात आला.
याप्रसंगी साई योग फाऊंडेशनचे अध्यक्ष डॉ बापूसाहेब पानगव्हाणे,ॲड गोरखनाथ दंडवते,भाऊसाहेब बनकर,संजय बाबर, विष्णु गाडेकर,संजय वाघमारे,बबलू फटांगरे,प्रकाश पुंड,रंगनाथ सदाफळ,सिताराम बावके,बाळासाहेब तारगे,सुश्मिता चव्हाण,दशरथ तुपे,रविंद्र धस आदी मान्यवर उपस्थित होते.