राहाता =
रयत शिक्षण संस्थेच्या शारदा शैक्षणिक संकुलातील इंग्लिश मीडियम स्कूलच्या विद्यार्थ्यांनी दिंडी सोहळ्याचे आयोजन केले होते. पांडुरंगाची पालखी खांद्यावर घेऊन टाळ, मृदंग, विना वाद्यांच्या गजरामध्ये वारकरी संप्रदायाची प्रत्यक्ष अनुभूती राहाता वासियांना दिली. चिमूरड्यांनी वारकऱ्यांचा वेश परिधान केलेला होता. पाई वारी शारदा संकुलातून निघाली व वीरभद्र मंदिराच्या प्रांगणात पोचली .या पायी दिंडीचे गणेश सहकारी साखर कारखान्याचे माजी चेअरमन मुकुंदराव सदाफळ यांनी स्वागत केले. शारदा शैक्षणिक संकुल हे एक उत्तम शिक्षण देणारे संकुल आहे .या संकुलामध्ये शिक्षणाबरोबरच संस्कृती जपली जाते असे सांगितले .
संकुलाचे अध्यक्ष रमेश शिंदे यांनी या बाल वारकऱ्यांना शुभेच्छा दिल्या .शुभेच्छा पर मनोगतामध्ये त्यांनी महाराष्ट्राची भूमी ही संतांची भूमी आहे .आज संपूर्ण महाराष्ट्र हा आषाढी वारीच्या निमित्ताने भक्तिमय झालेला आहे आणि म्हणूनच महाराष्ट्रामध्ये संतांची शिकवण व संत परंपरा आज आपल्याला दिसून येत आहे .आषाढी एकादशीच्या निमित्ताने संपूर्ण महाराष्ट्रातील वारकऱ्यांना त्यांनी शुभेच्छा दिल्या .याप्रसंगी संकुलाचे प्राचार्य प्रमोद तोरणे सहाय्यक विभागीय अधिकारी उत्तर अहमदनगर मुख्याध्यापिका विद्या ब्राह्मणे इंग्लिश मीडियम च्या प्राचार्यां निशा चेंगोट शिक्षक शिक्षकेतर कर्मचारी उपस्थित होते. बाल वारकऱ्यांमध्ये अतिशय आनंदाचे वातावरण होते .
कोणत्याही टिप्पण्या नाहीत:
टिप्पणी पोस्ट करा