शिर्डीत आयुर्वेद महाशिबिर यशस्वी
शिर्डी :
श्री साईबाबा संस्थान विश्वस्त व्यवस्था यांच्या वतीने श्री साईनाथ रुग्णालय येथे दि. 21 व 22 मार्च 2026 रोजी आयोजित मोफत सर्वरोग निदान व आयुर्वेद पंचकर्म महाशिबिर उत्स्फूर्त प्रतिसादात संपन्न झाले.
मुख्य कार्यकारी अधिकारी गोरक्ष गाडीलकर (भा.प्र.से.) यांच्या अध्यक्षतेखाली झालेल्या या शिबिरात एकूण 848 रुग्णांची तपासणी करून मोफत औषधांचे वाटप करण्यात आले, तसेच 362 पंचकर्म व इतर उपचार प्रक्रिया पार पडल्या.
या शिबिराच्या यशस्वी आयोजनासाठी वैद्यकीय संचालक ले. कर्नल डॉ. शैलेश ओक (से.नि.), डॉ. प्रितम वडगावे, डॉ. मैथिली पितांबरे, डॉ. रामदास आव्हाड व डॉ. संदीप शेळके यांनी विशेष परिश्रम घेतले. डॉ. आव्हाड यांच्या 25 वर्षांच्या सेवेसाठी त्यांचा विशेष सन्मान करण्यात आला.
शिबिरास राज्यभरातील आयुर्वेद तज्ञ डॉक्टर, विद्यार्थी व नागरिक मोठ्या संख्येने उपस्थित होते. या उपक्रमातून नागरिकांना मोफत व दर्जेदार आयुर्वेदिक आरोग्यसेवेचा लाभ मिळाल्याचे समाधान व्यक्त करण्यात आले
कोणत्याही टिप्पण्या नाहीत:
टिप्पणी पोस्ट करा