राहाता
अनियमित जीवनशैली आणि आरोग्याकडे होणारे दुर्लक्ष यामुळे महिलांना भेडसावणाऱ्या विविध आजारांवर वेळीच निदान आणि उपचार मिळावा या उद्देशाने, डॉ. कानडे हॉस्पिटल येथे ५ नोव्हेंबरपासून महिलांसाठी १५ दिवसांचे मोफत आरोग्य तपासणी शिबीर आयोजित करण्यात आले आहे. या शिबिरात निदान झालेल्या रुग्णांवर अल्पदरात शस्त्रक्रिया करण्याची सुविधा देखील उपलब्ध करण्यात आली आहे.
स्त्रीरोग तज्ज्ञ डॉ. दत्ता कानडे आणि भूलतज्ज्ञ डॉ. स्वाती कानडे यांनी महिलांना या शिबिराचा लाभ
घेण्याचे आवाहन केले आहे. डॉ. कानडे म्हणाले, आर्थिक परिस्थिती, वैद्यकीय गैरसमज, निष्काळजीपणा आणि मनातील भीती यामुळे अनेक महिला त्यांच्या आरोग्याकडे दुर्लक्ष करतात, या शिबिराचा उद्देश सर्वसामान्य घरातील महिलांना मोफत आरोग्य तपासणीचा
फायदा मिळावा हा आहे. शिबिरात येणाऱ्या महिला रुग्णांना विविध आजारांसंबंधी अचूक निदान व मार्गदर्शन केले जाईल. तपासणीनंतर ज्या महिलांना गर्भपिशवी शस्त्रक्रिया करण्याची गरज भासेल, त्यांच्यासाठी ही शस्त्रक्रिया अगदी अल्प दरात करण्याची सुविधा करण्यात आली आहे. डॉ. दत्ता कानडे आणि डॉ. स्वाती कानडे यांनी राहाता परिसरातील जास्तीत जास्त महिलांनी या आरोग्य तपासणी शिबिरामध्ये सहभागी होऊन आपल्या आरोग्याची काळजी घ्यावी, असे आवाहन केले
कोणत्याही टिप्पण्या नाहीत:
टिप्पणी पोस्ट करा