श्री.ग.र.औताडे पा. विद्यालयात ग्रंथदिंडी , वृक्षदिंडी संपन्न
पोहेगाव
- येथील रयत शिक्षण संस्थेच्या श्री.ग.र.औताडे पा. विद्यालयात आषाढी एकादशीनिमित्त ग्रंथदिंडी , वृक्षदिंडी तसेच वारकरी दिंडीचे आज शनिवार रोजी आयोजन करण्यात आले होते. याप्रसंगी मान्यवरांच्या हस्ते पालखीचे पूजन करून अभिवादन करण्यात आले. प्रारंभी विद्यालयाचे प्राचार्य श्री शिंदे एस.के. यांनी वारी हे सामाजिक समतेचे व एकतेचे प्रतिक असून वारी या सोहळ्यातून परमार्थ सोबतच अंतकरणशुद्धी होते असे प्रतिपादन केले व वारीचे अध्यात्मिक , सामाजिक , वैज्ञानिक महत्त्व स्पष्ट केले.
दिंडी मध्ये विद्यार्थ्यांनी मृदुंग , पखवाज , टाळ वादन करून अभंग , भजन , गवळण यांचे गायन केले. छत्रपती शिवाजी महाराज पुतळ्यासमोर दिंडीचे रिंगण संपन्न झाले. वृक्षारोपणचे, वाचनाचे महत्त्व नागरिकांना समजावे या साठी उद्बोधक घोषवाक्ये , घोषणा देत संपूर्ण पोहेगाव परिसरात दिंडीने फेरी मारली. नागरिक , पालक , भक्तांनी ठीकठिकाणी दिंडीचे स्वागत केले.
कोणत्याही टिप्पण्या नाहीत:
टिप्पणी पोस्ट करा