सौ. प्रभावती घोगरे यांची महाराष्ट्र प्रदेश काँग्रेसच्या सरचिटणीसपदी नियुक्ती

सौ. प्रभावती घोगरे यांची महाराष्ट्र प्रदेश काँग्रेसच्या सरचिटणीसपदी नियुक्ती

 राहाता 

शिर्डी विधानसभा मतदारसंघातील काँग्रेस नेत्या सौ. प्रभावती जनार्दन घोगरे यांची नुकतीच महाराष्ट्र प्रदेश काँग्रेस कमिटीच्या सरचिटणीसपदी नियुक्ती करण्यात आली. या यशस्वी नियुक्तीच्या निमित्ताने त्यांचा भव्य सत्कार आज संगमनेर येथे काँग्रेसचे ज्येष्ठ नेते व मा. महसूलमंत्री मा. बाळासाहेब थोरात यांच्या शुभहस्ते संपन्न झाला.

या प्रसंगी सौ. प्रभावती घोगरे यांनी आपल्या भावना व्यक्त करत सांगितले, “मी एका सामान्य शेतकरी कुटुंबातून आलेली महिला कार्यकर्ती आहे. ही निवड ही माझ्या वैयक्तिक कामाची नव्हे, तर सर्व काँग्रेस कार्यकर्त्यांच्या निष्ठावान सेवाभावाची पावती आहे. हा मान मिळण्यात थोरात साहेबांचे मार्गदर्शन, पक्षाचे नेतृत्व आणि जनतेचा विश्वास यांचे मोलाचे योगदान आहे.”

विधान परिषदेचे आमदार मा. सुधीर तांबे साहेब यांनीही सौ. घोगरे यांचे अभिनंदन करत त्यांना आगामी राजकीय वाटचालीसाठी शुभेच्छा दिल्या.

कार्यक्रमास संगमनेर तालुका काँग्रेस कमिटीचे अध्यक्ष अजय फटांगरे, काँग्रेस नेते अमोल घोगरे, सचिन (मुन्ना) आहेर, दीपक विखे पाटील, शामराव घोगरे, सुहास आहेर, रणजीत घोगरे, सौ. शितल उगलमोगले, जया गाडे यांच्यासह तालुक्यातील असंख्य पदाधिकारी व कार्यकर्ते उपस्थित होते.

सत्कारप्रसंगी सौ. प्रभावती घोगरे पुढे म्हणाल्या, “या महत्त्वाच्या टप्प्यावर मला खांद्याला खांदा लावून साथ देणाऱ्या माझ्या सर्व सहकाऱ्यांचे व पक्ष पदाधिकाऱ्यांचे मनःपूर्वक आभार. थोरात साहेबांच्या प्रेरणादायी नेतृत्वामुळेच अनेक कार्यकर्त्यांना पुढे येण्याची संधी मिळत आहे.”

कार्यक्रमाचे संपूर्ण वातावरण उत्साही, प्रेरणादायी आणि पक्ष निष्ठा जागवणारे होते.

“आपल्या प्रेम, पाठिंबा आणि शुभेच्छांमुळेच हा गौरवाचा क्षण अनुभवता आला. हा स्नेह असाच अखंड राहो,” अशा भावना शेवटी व्यक्त करत सौ. घोगरे यांनी उपस्थितांचे आभार मानले.

तसेच विविध पक्षांचे नेते, काँग्रेसमधील वरिष्ठ पदाधिकारी आणि स्नेहीमंडळींनी त्यांना प्रत्यक्ष भेटून व दूरध्वनीद्वारे शुभेच्छा दिल्या.

“हे पद मी केवळ प्रतिष्ठेसाठी नव्हे, तर शेतकरी, कामगार, गरजू नागरिकांच्या अडचणी सोडवण्यासाठी आणि काँग्रेस पक्ष बळकट करण्यासाठी पूर्णत: समर्पित राहून पार पाडणार आहे,” अशी ठाम भूमिका सौ. प्रभावती घोगरे यांनी यावेळी मांडली.