राहाता सह्याद्रीचे रायगडावर गाडगेबाबा पुण्यतिथी स्वच्छता अभियानाने साजरी :-
यावर्षी लायन्स क्लब ऑफ राहाता सह्याद्री, सह्याद्री ट्रेकिंग ग्रुप व राहाता तालुका परीट/धोबी समाजाच्या वतीने गाडगेबाबा यांची पुण्यतिथी रायगडावर जावून साजरी करण्यात आली. या पुण्यतिथीच्या निमित्ताने राष्ट्रसंत गाडगे महाराज यांना अभिप्रेत असणारी स्वच्छता मोहीम रायगड किल्ल्यावर जातांना पायऱ्यांच्या आसपासचा व किल्ला परिसरातील प्लास्टिक कचरा गोळा करून तो मशीनच्या साहाय्याने क्रश करण्यात आला.
गाडगेबाबा यांच्या प्रतिमेचे पूजन प्रेसिडेंट ला. राजेंद्र फंड यांच्या हस्ते करण्यात आले. आपल्या भाषणात ते म्हणाले की स्वच्छता सेवा हीच परमेश्वराला भावणारी सेवा आहे आणि हीच सेवा गाडगेबाबा यांनी आयुष्यभर केली. प्रत्येक गावात कीर्तनाला जाण्याअगोदर ते संपूर्ण गावाची स्वच्छता करत व रात्री कीर्तन करत. कुठल्याही यात्रेत ते मंदिरात न जाता तेथील नदी, घाट, मंदिर परिसर स्वच्छ करत. आयुष्याच्या उत्तरार्धात त्यांनी त्यांना जनतेनी दान दिलेली जमीन डॉ. बाबासाहेब आंबेडकर यांना समाज कार्यासाठी देवू केली. पण डॉ. आंबेडकरांनी या जमिनीची गरज कर्मवीर भाऊराव पाटील यांना रयत शिक्षण संस्थेसाठी गरजेची असल्याने त्यांना देण्याची कल्पना मांडली. व गाडगे बाबा यांनी ती जमीन कर्मवीर अण्णा यांना दान केली. आपल्या मुलाचा मृत्यू झाल्याची बातमी त्यांना कीर्तन चालू असताना समजली. पण त्याहीपेक्षा पण जास्त वाईट त्यांना डॉ. बाबासाहेब आंबेडकर यांचे महानिर्वाण झाल्याची बातमी समजल्यावर झाली. आणि त्यांनी अन्नत्याग सुरू केला. आणि त्यातच त्यांनी देह ठेवला.
ला. विनोद गाडेकर यांनी राष्ट्रसंत गाडगे महाराज हेच खरे स्वच्छतेचे पुजारी होते. महाराष्ट्र सरकारने त्यांच्या नावाने स्वच्छता अभियान राबवून त्यांच्या कार्याचा खऱ्या अर्थाने गौरव केला. या स्वच्छता अभियानात व्हॉईस प्रेसिडेंट ला. सुनील धाडगे, सेक्रेटरी ला. सागर रोकडे, ला. ॲड. सुधीर बोठे, ला. ज्ञानेश्वर नळे , ला. बापूसाहेब गायकवाड, ला. सुनील काळोखे, ला. नितीन दिवटे, सह्याद्री ट्रेकिंग ग्रुपचे श्री. रवी शिवरकर, श्री. विजय गाडेकर, श्री. नवनाथ बनकर, श्री. विजय बनकर, श्री. धीरज जहांगीर, श्री. गणेश जगदाळे, श्री. दिनेश जगदाळे, श्री. विजय पठाडे, श्री. गोवर्धन गाडेकर, श्री. बबनराव आजबे, श्री. गंगाराम भुजबळ यांनी सहभाग घेतला.
कोणत्याही टिप्पण्या नाहीत:
टिप्पणी पोस्ट करा