कॉंग्रेस पक्षाच्या वतीने शिर्डी विधानसभा मतदारसंघात स्वाक्षरी मोहीम राबविण्यात येणार -एडवोकेट पंकज लोंढे

 

कॉंग्रेस पक्षाच्या वतीने शिर्डी विधानसभा मतदारसंघात स्वाक्षरी मोहीम राबविण्यात येणार   -एडवोकेट पंकज लोंढे

 

राहाता (वार्ताहर) नुकत्याच झालेल्या विधानसभा निवडणुकीचे निकाल फक्त कॉंग्रेस पक्ष आणि महाविकास आघाडीच नाही तर राज्यातील मतदार, जनतेसाठी धक्कादायक, अविश्वसनीय व अकल्पनीय आहेत. कोणतीही लाट नसताना पाच महिन्यापूर्वी झालेल्या लोकसभा निवडणुकीच्या निकालाच्या एकदम उलट निकाल कसे लागू शकतात असा प्रश्न राजकीय नेते, कार्यकर्ते, राजकीय विश्लेषक, सामाजिक कार्यकर्ते यांच्यासह सर्वसामान्य जनतेलाही पडलेला आहे,असे प्रतिपादन राहता  तालुका काँग्रेस अध्यक्ष एड. पंकज लोंढे यांनी केले
पुढील येणाऱ्या सर्व निवडणुका बॅलेट पेपरवर (मतदान पत्रिकेवर) घेण्यात याव्या यासाठी तालुका कार्यालयात बैठक आयोजित करण्यात आली होती. त्याप्रसंगी कृषिभूषण सौ. प्रभावती घोगरे, राहता काँग्रेस शहराध्यक्ष नितीन सदाफळ, संजय जेजुरकर, उत्तमराव मते, सदाशिव गाडेकर, गणेश सोमवंशी,भगवान टिळेकर, नानासाहेब नळे, बाळासाहेब चोळके, बाबासाहेब डांगे, संपत हिंगे अमोल आरणे, सिमोन जगताप, संजय पगारे, संजय डांगे, रमेश गागरे, राजेंद्र आग्रे, संदीप कोकाटे,राजेंद्र निर्मळ,अमोल घोगरे, जाकीर शेख, मुन्ना फिटर, प्रशांत घोगरे,अनिस शेख, समद शेख, प्रफुल्ल धिवर, उत्तमराव अरंगळे, भाऊसाहेब नळे, विजय जगताप, विष्णू डांगे,भानुदास कातोरे आदि कार्यकर्ते उपस्थित होते. 
यावेळी एड. पंकज लोंढे  म्हणाले , या निवडणुकीत मतांच्या टक्केवारीतील तफावत गंभीर व चिंताजनक प्रकार आहे. निवडणुक आयोगाने जाहीर केलेल्या आकडेवारीनुसार मतांच्या दिवशी संध्याकाळी ५ वाजता ५८.२२% मतदान झाले. त्याच रात्री ११.३० वा ते ६५.०२% तर दुसऱ्या दिवशी २१ नोव्हेंबर रोजी हेच मतदान ६६.०५% झाल्याचे सांगितले यात एकूण ७.८३% वाढ झाल्याचे स्पष्ट दिसत आहे. तब्बल ७६ लाख मतांची हि वाढ असून मतांचा टक्का कसा वाढला? असा प्रश्न उपस्थित होत आहे. त्यामुळे ईव्हिएम मतदान प्रक्रिये संदर्भात अनेक प्रश्न उपस्थित होत आहेत. त्यामुळे येथून पुढे सर्व निवडणुका  बॅलेट पेपरवर घेण्यात याव्या अशी मागणी करण्यात आली.

चौकट
सर्वसामान्य मतदार, जनता, राजकीय पक्ष, नेते, राजकीय विश्लेषक यांचा ईव्हिएम वर विश्वास राहिलेला नाही, त्यामुळे येथून पुढे सर्व निवडणुका या बॅलेट पेपरवर घेण्यात याव्यात असा समाजातून आवाज उठत आहे. सर्वसामान्य जनतेचा लोकशाहीवरील विश्वास टिकून राहावा यासाठी येथून पुढच्या सर्व निवडणुका बॅलेट पेपर घेण्यात याव्यात यासाठी कॉंग्रेस पक्षाच्या वतीने शिर्डी विधानसभा मतदारसंघात स्वाक्षरी मोहीम राबविण्यात येणार आहे. 
  एडवोकेट पंकज लोंढे (तालुकाध्यक्ष, राहाता तालुका कॉंग्रेस)