सप्ताह स्थळी स्वच्छता व वृक्षारोपण रुपी सेवा....
राहाता येथील साईयोग फाउंडेशन द्वारे सालाबादप्रमाणे पंचाळे तालुका सिन्नर येथे सुरू असलेले योगीराज सद्गुरु श्री गंगागिरी महाराज १७७ वा अखंड हरिनाम सप्ताह स्थळी शुक्रवारी पहाटे स्वच्छता अभियान व वृक्षारोपण करून सेवा देण्यात आली.सहा वर्षापूर्वी शिर्डी येथे साईबाबा जन्मशताब्दी निमित्त झालेल्या हरिनाम सप्ताह च्या वेळीही पंधरा दिवस रोज सकाळी एक तास स्वच्छता अभियान राबविण्यात आले.पंचाळे येथे सप्ताह परिसरातील प्लास्टिक व कचरा गोळा करून समोरील परिसर झाडून स्वच्छ करण्यात आला.त्यानंतर तेथेच पाणी साठवण तलावाच्या शेजारी स्थानिक रहिवाशांच्या हस्ते पिंपळाचे वृक्षारोपण करण्यात आले.संवर्धनाची संपूर्ण जबाबदारी त्यांनी घेतल्यामुळे साईयोग फाउंडेशन द्वारे त्यांचे आभार व्यक्त करण्यात आले.तसेच साईयोग फाऊंडेशनच्या या आगळ्या वेगळ्या प्रकारे केलेल्या सेवेबद्दल चर्चा करत तेथील भक्तांनी प्रशंसा करत धन्यवाद दिले.
याप्रसंगी साई योग फाऊंडेशनचे जेष्ठ सदस्य व सामाजिक कार्यकर्ते दशरथ तुपे यांनी सर्वांचे स्वागत करून प्रास्ताविक केले.जेष्ठ सदस्य दिपक दंडवते यांनीही या सेवेतून एक वेगळी ऊर्जा मिळत असल्याचे नमूद केले.शेवटी अध्यक्ष डॉ बापूसाहेब पानगव्हाणे यांनी सर्वांचे आभार मानले.
याप्रसंगी साईयोग फाऊंडेशनचे अध्यक्ष डॉ.बापूसाहेब पानगव्हाणे,ॲड गोरख दंडवते, ॲड दत्तात्रेय धनवटे,दशरथ तुपे,भाऊसाहेब बनकर,मनोज पिपाडा,विलास वाळेकर,मोहन तांबे,संदीप डांगे,प्रकाश पुंड,संजय बाबर,दिपक दंडवते,बबलू फटांगरे,संजय वाघमारे,रवींद्र धस,विठ्ठल निर्मळ,शिवाजी पोटे,बाळासाहेब तारगे,प्रविण वाकचौरे,दत्तात्रय सूर्यवंशी आदी साई योग फाऊंडेशनचे सदस्य उपस्थित होते.
कोणत्याही टिप्पण्या नाहीत:
टिप्पणी पोस्ट करा