परमार्थ हा अंतरंगातून असला पाहिजे- महंत स्वामी रामगिरीजी महाराज

परमार्थ हा अंतरंगातून असला पाहिजे- महंत स्वामी रामगिरीजी महाराज .

 धनगरवाडी =

    योगीराज सद्गुरु गंगागिरीजी महाराज, ब्रह्मलीन महंत सद्गुरु नारायणगिरीजी महाराज, वै. सदानंदजी महाराज यांच्या कृपाशीर्वादाने तसेच प. पू. महंत रामगिरीजी महाराज (मठाधीपती गोदावरी धाम सरला बेट) यांच्या प्रेरणेने व मार्गदर्शनाने.

 श्री ग्रंथराज ज्ञानेश्वरी पारायण सोहळा वर्ष ४४ अखंड हरिनाम सप्ताह धनगरवाडी येथे संपन्न झाला. याप्रसंगी परमार्थ हा अंतरंगातून असला पाहिजे, असे प्रतिपादन महाराजांनी केले .काल्याच्या किर्तन सेवे करिता गवळण

कंठीं धरिला कृष्णमणी । अवघा जनीं प्रकाश ॥१॥ काला वांटूं एकमेकां ।

 वैष्णवा निका संभ्रम ॥ध्रु.॥ वांकुलिया ब्रम्हादिकां । उत्तम लोकां दाखवूं ॥२॥

 तुका म्हणे भूमंडळीं ।आम्ही बळी वीर गाढे ॥३॥ या गवळणीवर ते बोलत असताना महाराजांनी भगवान कृष्णाच्या लीलाच वर्णन केलं.भगवंताने कुणाकुणाचा उद्धार केला, याचेही वर्णन महाराजांनी केले. याप्रसंगी बोलत असताना महाराजांनी सांगितले की ,परमार्थ हा अंतरंगातून असला पाहिजे. परमार्थ करत असताना मतभेद व षदविकार बाजूला सारले पाहिजे.

व्यासपीठ चालक अशोक महाराज ठेंग, रोजचे कीर्तनकार शिवाजी महाराज खोचे,विजयानंदगिरीजी महाराज, दत्तात्रय महाराज रक्टे, सुदाम महाराज कातकडे, हरीशरणगिरीजी महाराज,अर्जुनगिरीजी महाराज,आदित्य महाराज आदमाने, मधुकर महाराज, सराला बेटाचे चोपदार जानकिराम नाना आदमाने, चंद्रकांत महाराज रक्टे या कार्यक्रमाला परिसरातील नागरिक उपस्थित होते. बाळासाहेब लहारे, गायनाचार्य वैभव भराडे, दादाभाऊ तोडमल,संदीप गायकवाड, रामभाऊ नादिक,मृदंगाचार्य महेश आदिक ,भरत डोखे, डॉ विजय कोते, माननिय खासदार भाऊसाहेब वाकचौरे यांचे चिरंजीव रोहित दादा वाकचौरे यांनी भेट दिली. वाकडी शिवसेना शाखाप्रमुख मच्छिंद्र भवार, धनगरवाडी शाखाप्रमुख अमोल साखरे, पत्रकार बाबासाहेब मंडलिक, अंबादास उघडे , शिवसेना श्रीरामपूर तालुका अध्यक्ष राधाकिसन बोरकर, धनगरवाडी तंटामुक्तीचे अध्यक्ष अनिल रक्टे, किरण शेळके, संजीव ढोकचौळे, ज्ञानेश्वर ढोकचौळे, मधुसूदन महाराज,नंदलाल महाराज, ज्ञानेश्वर महाराज, रामभाऊ महाराज, वैभव भराडे ,केरू रक्टे , विठ्ठलराव राशिनकर यांचे घरी ज्ञानेश्वरी ग्रंथ हरिपाठ या अमृत भाव चांगदेव पासष्टी या हस्तलिखित ग्रंथाचे पूजन गुरुवर्य स्वामी रामगिरीजी महाराज यांच्या हस्ते करण्यात आले. धनगरवाडी परिसरातील दिघी वाकडी जळगाव ,चितळी, खैरी निमगाव ,खंडाळा, गोंधवणी ,नांदूर, श्रीरामपूर सूतगिरणी ,लांडेवाडी, पुणतांबा ,गोंडेगाव ,बेलापूर ,शिरसगाव इत्यादी ठिकाणावरून भजनी मंडळ व भाविक गायक वृंद वादक रुंद व गुणीजन भजनी मंडळ व धनगरवाडी भजनी मंडळ,तरुण मंडळ यांनी अतिशय चांगले नियोजन केले. कीर्तनानंतर महाप्रसादाची पंगत झाली .