शिर्डी :
देश-विदेशातील लाखो साईभक्तांची श्री साईबाबांवर अढळ श्रद्धा असून भाविक भक्तिभावाने श्रींच्या चरणी विविध प्रकारे दान अर्पण करीत असतात.
याच श्रद्धेपोटी श्री साईबाबा संस्थानचे माजी अध्यक्ष डॉ. सुरेश हावरे यांनी त्यांच्या वाढदिवसाच्या औचित्याने श्री साईबाबांच्या चरणी ३०९.५०० ग्रॅम वजनाचे आकर्षक नक्षीकाम असलेले ६ सुवर्ण ‘ॐ’ अक्षर अर्पण केले. या सुंदर व कलात्मक सुवर्ण दानाची एकूण किंमत रु. ४६,०९,०७४/- इतकी आहे.
सदर सुवर्ण ‘ॐ’ अक्षरे श्री साईबाबांच्या समाधी मंदिरात श्रींच्या मूर्तीमागील भिंतीवर विधीवत बसविण्यात आली आहेत.
या देणगीनंतर श्री साईबाबा संस्थानच्या वतीने साईभक्त डॉ. सुरेश हावरे यांचा मुख्य कार्यकारी अधिकारी गोरक्ष गाडीलकर (भा.प्र.से.) यांच्या हस्ते सत्कार करण्यात आला.
कोणत्याही टिप्पण्या नाहीत:
टिप्पणी पोस्ट करा