साई शिर्डी सायकल परिकमेचे चौथ्या वर्षात पदार्पण
नेट उत्तीर्ण अनिल पवार सन्मानीत...
साईबाबांच्या विचारांचा प्रचार व प्रसार तसेच पर्यावरण रक्षणाचा उद्दात हेतू ठेवून साईयोग फाउंडेशन व गुड मॉर्निंग ग्रुप राहाता द्वारे तीन वर्षांपूर्वी प्रत्येक महिन्याच्या पहिल्या गुरुवारी सुरू केलेली शिर्डी साई सायकल परिक्रमेचे आज गुरूवारी चौथ्या वर्षात पदार्पण झाले.भल्या पहाटे ६ वाजता राहाता येथून सायकल स्वार निघून शिर्डी येथे द्वारकामाई समोर शिर्डी माझे पंढरपूर ही आरती करून दर्शन घेवून परिक्रमाचे प्रस्थान होते.पुढे विरभद्र देवस्थान बन येथे दर्शन घेवून परिक्रमा पुढे सुरू होते.यावेळी जेष्ठ सदस्य अनिल पवार यांचा राहाता पंचायत समितीचे कर्तव्य दक्ष तालुका विकास अधिकारी जालिंदर पटारे यांच्या हस्ते फेटा बांधून श्रीसाई शाल पांघरुन गुलाब पुष्प देवून हृदय सत्कार करण्यात आला.
अनिल पवार हे पर्यावरण ह्या विषययात युजीसी ची नेट परीक्षा विशेष श्रेणीत उत्तीर्ण झाले.तसेच ते साईबाबा सुपर स्पेशालिटी हॉस्पिटल मध्ये वरिष्ठ MRI तंत्रज्ञ या पदावर कार्यरत असून राहाता येथील फिनिक्स स्पर्धा परीक्षा केंद्राचे संचालक आहे.त्यांच्या मार्गदर्शनाखाली बरीच विध्यार्थी स्पर्था परीक्षेत पास होवून चांगल्या पदावर कार्यरत आहेत.नोकरीचा व्याप सांभाळून विद्यार्थ्यांना मार्गदर्शन करत असताना स्वतःही अभ्यास करून नेट बरोबर इतर स्पर्धा परीक्षा दिल्यात.अद्याप काहींचा निकाल येणे बाकी आहे.
साईयोग फाऊंडेशनचे अध्यक्ष डॉ बापूसाहेब पानगव्हाणे यांनी सर्वांचे स्वागत करत अनिल पवार यांच्या कष्टाचे व जिद्दीचे कौतुक केले.पर्यावरण विषयात नेट परीक्षेत मिळालेले यश हे साईयोग फाउंडेशन व राहात्याला भूषणावह आहे.तसेच त्यांचा भविष्य काल निश्चितच उज्वल आहे.गट विकास अधिकारी जालिंदर पटारे यांनी अनिल पवार यांचे कौतुक करत त्यांना शुभेच्छा दिल्या.तसेच पर्यावरणासाठी साईयोग फाऊंडेशन राबवित असलेले सायकल परीक्रमा,स्वच्छता अभियान व वृक्षरोपण व वृक्षसंवर्धन कार्याचा उहापोह करत पुढील वाटचालीस शुभेच्छा दिल्या.सत्काराला उत्तर देताना अनिल पवार यांनी आपल्या संघर्षमय वाटचालीची माहिती देत सर्वांचे आभार मानले.शेवटी जेष्ठ सदस्य गोरखनाथ दंडवते यांनी सर्वांचे आभार मानले.
याप्रसंगी बी.डी.ओ.जालिंदर पटारे,ॲड.गोरख दंडवते,विलास वाळेकर,भाऊसाहेब बनकर,केतन कुंभकर्ण,अरविंद उपस्थित होते .
कोणत्याही टिप्पण्या नाहीत:
टिप्पणी पोस्ट करा